हो_म_वेश्या_हँु

हो म वेश्या हुँ
मेरो चोली खोलेर
म टाल्छु चुहिने
मेरा घरको छानो
बेरीएको फरिया खोलेर
पुस्छु गरिबीले रुझेको
असिम सपनाहरु
आफु नाङ्गिएर
म ढाकीदिन्छु
मेरो बा-आमाको
कठ्याङरिएको शरिर
मेरा शरिर बेचेर
म किनी दिन्छु
मेरो भाईलाइ
भाग्य लेख्ने कापी र कलमहरु
मेरा स्तन देखाएर
म छोपी दिन्छु
मेरी बहिनीको
लाजको ताज
योवनका भोका व्बाँसोहरुको
प्यास भरिदिएर
स्वोयम पालिन्छु र पाल्छु
भोको मेरो घर परिवार
रण्डी,वेश्या अनेक नाम देलान्
सत्यसावित्री मेरो समाजले
तर मलाइ किन्चित प्रवाह छैन
किनकी म विवशतामा पिल्सिएको छु
गरिबीको बाध्यता अल्झिएको छु
अनि निर्धक साथ भन्छु
हो म वेश्या हुँ

ओइ "माल" ओइ "भालु" भन्ने
ए मेरो चरित्रवान पुरुषवाद समाज
सक्छस् त बन्द गर
मेरो यो बेश्या बजार
जहाँ म जस्तै हजारौं
वेश्याहरुले दोकान खोलेका छ
छोडिदेउ यहाँको ग्रहका बन्न
के सक्छ तिमी ?
अनि ए दिदीबहिनी
मलाई वेश्या भनेर बोलाउन अघी
त्यही नामले बोलाउ
आफ्नो लोग्ने र दाजुभाइहरुलाई
किनकी
मेरो वजारको मोलतोल गर्ने
उनिहरु नै हुन्